Search Poetry
All post

Mohabbat kuch aalag si hai mujhe us se

0
Mohabbat kuch aalag si hai mujhe us se

Wo mere khayalon mein nahi duwaon mein rehta hai

sisak raha tha mera ik sawal tu chup tha

0
sisak raha tha mera ik sawal tu chup tha
raha tha dil ma yehi ik malal tu chup tha

udas karti gayeen wo teri udas ankhen
main poochta bhi raha haal chaal tu chup tha

main jab buland raha tu bhi hamkalam raha
so muj pe aan para jab zawaal tu chup tha

jo tera saani muje mil gya to shikwa kiu?
main dhoondta tha teri jab misaal tu chup tha

ab apne dard ka kiu kar dhandora peet'ta hai
main kar raha tha jo tab indamaal tu chup tha

mera dareeda badan dekh kar a ab rona
kaha tha kar le meri dekh bhaal tu chup tha

mere badan k tuje zakhm ab satatay hain
main dukh ki orhay huye jab tha shaal tu chup tha

tuje hi shaam o sahar ka hisaab detay huye
guzar gya tha mera aik saal tu chup tha

ye tere aor mere rabt k mitanay ko
zamana chalta raha aik chaal tu chup tha

hum ko to be haal kiya tha ishq k beri jogaan

0
hum ko to be haal kiya tha ishq k beri jogaan
kesi kesi baat bana li sheher k saray logaan

nazuk nazuk kam sin jindri, barson lambay sadmay
bin dekhay, bin sochay samjhay hashr uthaya rogaan

ab jo hans bhi dein to pehron rona par jata hai
muddat pehle maar diya tha hum ko yaar k sogaan

do roohon ki yaktayi ko jhela karb musalsal
dard muqadar kar daala hai roohon k sanjogaan

do dil walon ki khwakhish ko kon samjhne wala
peron main ronda chahat ko in be dardi logaan

kisi be dheyani mein khoo k mujh ko ganwa nahi

0
kisi be dheyani mein khoo k mujh ko ganwa nahi
main tera naseeb e azal hon ab ye bhulaa nahi

mere seenay lag k bohot hi roye ga der tk
abi raabta tere gham ka muj se hua nahi

tere sogawaar diye sukoon se soo gaye
main wohi hon akhri deep e gham jo bujha nahi

mera sath dena hai gar to hath ko thaam le
muje lambi lambi kahaniyan to sunaa nahi

jo main harf harf main dard bhi na samoo sakon
to yeh jhoot moot hai shayeri, yeh ataa nahi

abi ishq main koi mojaza nahi ho raha
muje aainay mian tumhara chehra dikha nahi

tuje is liye hi to zain chorr k wo gya
k tu ab ki baar jo be wakoof bana nahi

main kisi ko kuch bhi na de sakon ga hareem e jan
k tere siva mere pas kuch bhi bacha nahi

mere zayechay main milan bhi uska nahi likha?
ae najoomi tujh se hisaab theek laga nahi

main kisi ko kuch bhi na de sakon ga hareem e jan
k tere siva mere pas kuch bhi bacha nahi

kab tumhari misaal chahta hon

0
kab tumhari misaal chahta hon
bs tumhara khyaal chahta hon

aa k muj se jawab le kabhi to
main b koi sawaal chahta hon

kya ajab hon k ro saka nahi main
aor ankhen bhi laal chahta hon

gham ka poda sa aik ug raha hai
us ki bas dekh bhaal chahta hon

tere bikhray huye main ab meri jaan
apne shaanon pe baal chahta hon

kha raha hai yakeen ko ajab sa gumaan boltay kiyun nahi

0
kha raha hai yakeen ko ajab sa gumaan boltay kiyun nahi
jal raha hai yeh dil uth raha hai dhuan, boltay kiyun nahi

ik sawali tha shab bhar sakhi ka jo dar khatkhatata raha
aor kehta raha saahib e aastan, boltay kiu nahi

ik zamana tha sar pe uthatay thay aor choomtay thay qadam
ab tumhari himayet main wo aasman, boltay kiyun nahi

kab talak sheher walon k, main in sawalon se tanha larron
kis liye chup kharay ho yeh tum meri jaan, boltay kiyun nahi

wo jo mere liye apna sab kuch lutanay ko tayyar thay
ab kahan hain sabhi wo mere mehruban, boltay kiyun nahi

loag peron talay rond detay hain aor dekhtay bhi nahi
zain ji bolna ho jahan tum wahan, boltay kiyun nahi

hamain shikwa to hai is zindgi ka

0
hamain shikwa to hai is zindgi ka
kaho ab kya karen is be dilli ka

abi poori hui kab baat pichli
sawaal utha tumhari be rukhi ka

hamari umr per phela hua hai
kisi ka sath tha bas do ghari ka

sabhi chehron pe hai ik moat chayi
zamana hi nahi zinda dilli ka

tumharay bin hui barbaad kitni
muje afsos hai teri gali ka

ganwa betha tumhen madhoshiyon main
janaza parh raha hu be khudi ka

muje khuddariyon ne zain, maara
tamasha ban gya bechargi ka

Badal de Dil ki duniya dil badal de

0
Badal de Dil ki duniya dil badal de
Mera Ghaflat mein dooba dil badal de

Hawa o Hirs wala dil badal de
Mera Ghaflat mein dooba dil badal de

Badal de Dil ki duniya dil badal de
Khudaya Fazl farmaa dil badal de

Gunah gaari main kab tak Umr kaatoun
Badal de Mera rasta dil badal de

Sunoun Main naam Tera dharkanon Main
Maza aajaye Maula dil badal de

Hataaloun aankh apni Maasiwa say
Jiyoun Mein Teri khatir dil badal de

Karoun Qurbaan Apni Saari Khushiyaan
Tu apna ghum ata kar dil badal de

Sehal farmaa musalsal yaad apni
Khudaya Reham farmaa dil badal de

Para houn Teray dar par dil shikasta
Rahoun kyu dil shikasta dil badal de

Tera hojaoun itni arzoo hay
Bas itni hay tamanna dil badal de

Meri faryaad sunlay Meray Maula
Banalay apna banda dil badal de

Tera hojaoun itni arzoo hay
Bas itni hay tamanna dil badal de

Meri faryaad sunlay Meray Maula
Banalay apna banda dil badal de

Baat to bigharna thi Baat hi kuch aysi thi

0
Baat to bigharna thi
Baat hi kuch aysi thi

Is tarhan nahi hota
Do dilon ki duniya mein

Tisra nahi hota

jab bhi tum chaho mujhe zakhm naya detay raho

0
jab bhi tum chaho mujhe zakhm naya detay raho
baad mein phir mujhe sehne ki dua detay raho

theek se soch samjh kar Mujhe rukhsat karna
yeh na ho baad main ro ro k sadaa detay raho

acha naa maan liya ishq khata hai meri
jese tum chaho main haazir hon saza detay raho

chorr jao gay to ro dho k sambhal jaon ga
pass reh kar Mujhe gham hadd se sivaa detay raho

rooth kar wo jo tumhain khud hi mana leta hai
zain tum us ko dua sab se juda detay raho

kon sunay ga kook ri koyel

0
kon sunay ga kook ri koyel
chup ho jaa mat hook ri koyel

log karen hum masoomon se
kitna sakht salook ri koyel

us ki khatir kar chorri hai
dunia bhi matrook ki koyel

zulfen thandi chaon jesi
us k nain malook ri koyel

tak tak us ko mitti nahi
in nainan ki bhook ri koyel

sheher se door bason sheher basanay k liye

0
sheher se door bason sheher basanay k liye
main ne kya soch liya umr bitanay k liye

yeh bhi andaz hai ik paas e wafa ka janan
tujh ko har baat batata hon chupanay k liye

yaad atay ho to dukhti hai rag e jaan pal pal
ab to loat Aao mujhe yaad na anay k liye

wo khudawand jahanon main to aa sakta nahi
aor aata hai to bas dil mein samanay k liye

wo bhi kya loag hain ehsaas o junoon se aari
shair kehtay hain faqat naam kamanay k liye

maan jata hai to seenay se lipat jata hai
so main naraz karon us ko mananay k liye

zain shayed mujhe is torr qaraar aajaye
wo agar loat k ajaye na janay k liye

jab bhi bechain hua karta hon

0
jab bhi bechain hua karta hon
apni haalat pe hansa karta hon

itna aasan to nahi bujh jana
is liye kam hi jala karta hon

sochta hon main tujhay har lamha
tujh pe ehsaan kiya karta hon

aik kamray main basa li dunia
shehr main kam hi dikha karta hon

tu to hans hans k chala jata hai
main pareshan raha karta hon

ab main aksar hi kayi logon se
apne baray main suna karta hon

zain wo kuch bhi nahi keh paata
main bhi chup chaap raha karta hon

Kab tumhein ishq pe majboor kiya hai humne

0
Kab tumhein ishq pe majboor kiya hai humne

Hum to bas yaad dilate hain chale jate hain

Kitabon se hawaala dun ya tujh ko saamne rakh dun

0
Kitabon se hawaala dun ya tujh ko saamne rakh dun

Wo mujhse puch baithe hein Namuna kis ko kehte hain

kitni roohani muhabbat hai na mere durvesh

0
ik tere khwab se jab bhi kabhi jagon roun
phir tere baray kaheen beth k sochon roun

aisay ho jaye mere gham ka madava shayed
teri banhon main kabhi toot k bikhron roun

kitni roohani muhabbat hai na mere durvesh
main k jab jab bhi dua main tujhay mangon roun

meri ankhen hain mere ashk hain meri marzi
masala kya hai tumhain jab bhi main chahon roun

us ki khwakhish ye sajaon ga Aajayeb ghar main
main usay chorr k jata hua dekhon roun

kash k khud ko sirf tumhara likhta main

0
Chahat ka har sood khasara likhta main
kya paya kya khoya saara likhta main

tujh jesa jab aor nahi hai koi to
kyun phir aor kisi ko pyara likhta main

kese apne dard bhula kar loat Aaya
tu ne jese muje pukara likhta main

main ne dukh nazmon mein likhna chorr diye
us ko tha per yehi gawara likhta main

pehle keh detay gar khel samjhtay thay
jaa tu jeeta jaa main haara likhta main

likhta rehta subh o shaam teri baten
jee na bharta phir dobara likhta main

dukh bhi aakhir apne hi to hotay hain
kash k khud ko sirf tumhara likhta main

tu ne aakhir rula diya mujh ko

0
tu ne aakhir rula diya mujh ko
qehqahon main urra diya mujh ko


main to har morr per muyassar tha
tu ne kese ganwa diya mujh ko


mere andar tujhay nahi phoonka
baqi sara bana diya mujh ko


ab ugalta hon sans leta hon
zeher itna pila diya mujh ko


yaad rakha tha muddaton us ne
bas achanak bhula diya mujh ko


tu bhi aakhir zamanay jesa hai
apna chehra dikha diya mujh ko

Apni ruswai tere naam ka charcha Dekhon

0
Apni ruswai tere naam ka charcha Dekhon
Ek Zara sher kahon or mein kya kya Dekhon

Neend aa jaye to kya mahfil e barpa Dekhon
Aankh khul jaye to tanhai ka sehra Dekhon

Shaam ho gai dhundla gai aankhe bhi Meri
Bhulne wale me kab tak tera rasta Dekhon

Ek ek kar ke mujhe chor gai sb sakhiyan
Aaj mein khud ko Teri yaad mein tanha Dekhon

Kaash sandal se Meri maang ujale aakr
Itne gairon mein wahi Haath Jo apna Dekhon

Tu mera kuch nahi Lagta Magar Jan e hayaat
Jane kyun tere liye dil ko dharkta Dekhon

Band kar ke Meri aankhein wo shrarat se hansa
Bujhe Jane ka mein Har rooz tamasha Dekhon

Sab ziden uski mein puri karon har baat suno 
Ek bachche ki tarhan se use hansta Dekhon

Mujhbpe chaa jaye wo barsat ki khushbu ki tarhan 
Ang Ang apna usi rut me mahekta Dekhon

Phool ki tarhan mere jisam ka har labb khil jaye
Pankhuri Pankhuri Un hoonto ka saya Dekhon

Mene jis lamhe ko pooja hai use bs ek baar
Khwab ban kar Teri aankhon mein utarta Dekhon

Tu Meri tarhan se dekhta hai Magar mere Habib
Jee mein aata hai koi or bhi tujh sa Dekhon

Toot jaye k Pighal jaye mere kache ghare
Tujh ko mein Dekhin k ye aag ka dariya Dekhon

Zehan mein uljhe hue they Reshmi dhaage bohat

0
Zehan mein uljhe hue they Reshmi dhaage bohat

Raat hum tarpe bohat Roye bohat Jaage bohat

If your birthday is January ..say hi

0
If your birthday is January ..say hi
If your birthday is February.. say uff
If your birthday is march say..hello
If your birthday is April say ..I am cute
If your birthday is may say ..gorgues
If your birthday is June say.. Sweet
If your birthday is july say...lush
If you birthday is August say..nice
If your birthday is September say..best
If your birthday October say good
If your birthday is November say baby
If your birthday is December say ..beautiful

Pehli mohabbat Purane muqaddame ki tarah hoti hai

0
Pehli mohabbat 
Purane muqaddame ki tarah hoti hai

Na khatam hoti hai
Na insan ba izzat bari hota hai

Be shomar logo mein mat shomar ho jana

0
Be shomar logo mein mat shomar ho jana
Mat hamari aankhon ka intezar ho jana

Tum ne kis tarhan sikha bekarar ho jana
Eik ilteja sun lo Tum meri Mohabbat ka itebar ho jana

Zeest na mokammal hai loat kar chale aana
Aur meri duniya mein be shomar ho jana

Is liye yehi tum se bar bar kehta hon
Be shomar logo mein mat shomar ho jana

Mohabbat mein jo behte hain

0
Ae Mere kam sukhan sathi
Tumhain shayad khabar ho gi

Mohabbat mein jo behte hain
Wo Aanso khushk hote hain

Kaghaz ki ye mehak ye nasha rothne ko hai

0
Kaghaz ki ye mehak ye nasha rothne ko hai

Ye aakhri sadi hai kitabon se ishq ki

Mujhe Saanso ki hai thorr piya

0
Mujhe Saanso ki hai thorr piya
Mera sath abhi mat chor piya

Kari minnat zaari tarlay sab
Main ne hath diye hain jhorr piya

Meri Aankhein ro ro khak hoi
Mere ashk na aise rorr piya

Bara dushwar hota hai kisi ko yun bhula dena

0
Bara dushwar hota hai kisi ko yun bhula dena

K jab wo jazb ho jaye rago mein khon ki manind

Kitni mohabbat hai tum se koi safai nahi dein gay

0
Kitni mohabbat hai tum se koi safai nahi dein gay

Saaye ki tarhan tere sath rahain gay par dikhi nahi dein gay

Tum jeeto ya haaro Suno

0
Hum ne dekha
Tumharay bats par koi sticker nahi hai tumhein kisi nay sponsor nahi kiya. 

Hum dekhte hein, tum hamari galiyon mein Cricket nahi khel sakti tum yahan khul kar practise nahi kar sakti. 

Humein pata hai, hamara muashra bura maan jaata hai. Humein andaza hai, tum yahan tak apnay ghar waalon se larr kar puhanchi ho. 

Humein pata hai tumhein koi puchta nahi, magar tum phir bhi Subz Halali Parcham ke liye khelti ho. 

Humne dekha hai. 
Hum jaantay hein, 
hamari awaam intezar mein hoti hai ke tum haaro aur unko baatein bananay ka mauka milay. 
Magar humne yeh bhi dekha hai ke tum himmat nahi haarti,
tum DIL se khelti ho aur yahan DIL DIL PAKISTAN hai. Beshak, har asaani se pehle mushkil hai. 
Aaj tumhara waqat nahi, lekin kal tumhara zamana zaroor aayega.
Tum PAKISTAN ho, tum hamari Pechan ho. 

Tum jeeto ya haaro Suno
humein tumse pyaar hai

And yes, well played Team India!

Thanks to Bonanza Satrangi for taking a bold step and sponsoring the kits of our team.

Win, lose or tie. Green till I die

Dil mein narazgiyan na khalos mein milawat koi

0
Dil mein narazgiyan na khalos mein milawat koi

Wo bachpan ki yariyan bhi kamal howa karti thi na

Jeet lon tujhe zamane k har taqat se

0
Jeet lon tujhe zamane k har taqat se

Ek bar tu aameen keh de meri duaon k sath

Kab nikalta hai koi dil mein utar jane k bad

0
Kab nikalta hai koi dil mein utar jane k bad

ye wo band gali hai jis ka koi bahar ka rasta nahi hota

Aaj mein ne talash kia use apne aap mein

0
Aaj mein ne talash kia use apne aap mein

Wo mujhe har jaga mila meri takdeer k siwa

Kabhi kabhi kisi cheez ki qadar aur ehsas k liye zarori hai

0
Kabhi kabhi kisi cheez ki qadar aur ehsas k liye zarori hai

K kuch waqat us se door raha jaye

Aao ab rasam e mohabbat yon nibhai jaye

0
Aao ab rasam e mohabbat yon nibhai jaye
bich diwar jo aaye wo giraai jaye

martaba naam hai kia zaat se kia lena hai
shart rishton mein wafaon ki hi lagai jaye

khush guma ho k milein gair se har apne se
kuch nazar aaye burai to sudari jaye

hoon gay majbor jo yun chor chale jate hain
jane walon se ye tohmat bhi hatai jaye

dil bhola de jo aadawat aur aanayein apni
raah bichron ki bhi aasan banai jaye

aaj hasrat se jo aankhon k diye bhojte hain
ek umeed nai in mein jalai jaye

ab k uthre Ae Khuda chaand yon har aangan mein
zindagi eid ki manind manaai jaye

apni duniya se nikal aao agar tum Abrak
eik duniya yahan ab mil k banai jaye

Sab mast hain apni aana mein kon kis k liye khud ko badle

0
Sab mast hain apni aana mein kon kis k liye khud ko badle

Har kisi ki hai yehi zid k mujh ko mere jaisa mile

Tark e talluk ki waja kuch to batate jate

0
Tark e talluk ki waja kuch to batate jate

Main kahan tak khud mein buraiyan dhoondon

Parinda khushk jhilon se yehi ab keh gaya akhir

0
Parinda khushk jhilon se yehi ab keh gaya akhir

Mujhe majbor hijrat par mere halaat karte hain

Tujh se milne ki khushi mein na dhiyan raha mujh ko

0
Tujh se milne ki khushi mein na dhiyan raha mujh ko

Kitni taklef mujhe tum se bichar kar ho gi

Kabhi aati thi chaand chehre liye

0
Kabhi aati thi chaand chehre liye
Eid khushbo haseen savere liye

Eid qissa hai us zamane ka
log marte the mere Mere liye

gaye roshan jahan mein sab apne
aur bethe hain hum aandhere liye

kisne socha tha yon bhi hona hai
panchi urh jayein gay basere liye

mar gaye hum to kab k in k liye
dhoond mein jin ki lakh pehre liye

tujh sa duniya kahan raqeeb koi
sab ne chora hai sab ko tere liye

Eid par hai yehi guman Abrak
waqat palte ga phir wo daire liye

Jo dil Nasheen the hum ko ishare badal gaye

0
Jo dil Nasheen the hum ko ishare badal gaye
Andaz dekhne k tumhare badal gaye

dete sabak the hum ko wafaon ka har ghari
kyun meherban hamare wo pyare badal gaye

jin ko samajh raha tha k hain qafla mera
mushkil mein apna rasta wo sare badal gaye

ek umar dhoob kar jo kabhi parr hum lage
umeed jin se thi wo kinare badal gaye

rehte the jin k bich kabhi chaand ki tarhan
toota yon asman k wo tare badal gaye

jis ankh se tha sikha in aankhon ne bolna
us k bhi yak ba yak hi ishare badal gaye

kitna bhi soch lijeye magar faisala na ho
nazrein badal gai ya nazare badal gaye

ilzam waqat par bhi to kuch dijiye janab
sab naam le k jis ka hamare badal gaye

un se jawab chahiye Abrak hamain ye bas
kab larkharaye hum k sahare badal gaye

Batao kon kehta hai mohabbat bas kahani hai

0
Batao kon kehta hai mohabbat bas kahani hai
Mohabbat to sahifa hai Mohabbat asmani hai

Mohabbat ko khudara tum kabhi bhi jhoot mat samjho
Mohabbat mojza hai mojzon ki tarjomani hai

Mohabbat phool ki khushbo Mohabbat Titliyon ka rang
Mohabbat parbaton ki jheel ka shaffaf pani hai

Mohabbat ek sitara hai Wafa ka istekhara hai
Mohabbat seep ka moti Behar ki bekarani hai

Mohabbat roshni hai rang hai khushbo hai nagma hai
Mohabbat urhta panchi hai Mohabbat behta pani hai

Mohabbat haq ka kalma hai Mohabbat chasni maan ki
Mohabbat Rooh ka marham Dilon ki hukumrani hai

Mohabbat to aazal se hai Mohabbat to Aabad tak ho gi
Mohabbat to aafaqi hai Zamani na makani hai

Fana ho jaye gi duniya Fana ho jayein gay Hum Tum
Faqat baki Mohabbat hai Mohabbat jadawani hai

Aur Zindagi Tujhe Kiya Kahon

0
Aur Zindagi Tujhe Kiya Kahon
Jeevan Mera Kyun Hai Rakh Hua

Kaisa Silsila Mere Saath Hua
Kabhi Hai Khushi Kabhi Hai Ghum Bhara

Tujhe Dhonte Howe Dil
Ab Ho Gaya Hai BeDil
Or Dharkano Mein Gham Ki Kaanch Hai

Dhuan Dhuan Hain Aahen
Kyun Jal Rahi Nigahein
In Aankhon k Tale Kesi Aanch Hai

Yaahin Kahin Mein Hon Wahin
Jahan Dukhon Ki Raat Hai
Tu Raaha Panaha De
Ke Har Qadam Ghaat Hai

Meri Zaat Mein Hai Yeh Koi Hia Siyaahi
Ke Jo Chaha Main Ne Wo Mil Ke Na Mila

Na Hai Raasta Toota Wasta
Armano Ka Luta Hai kafila

Juda Juda Khafa Khafa
Kyun Khud Se Ho Gaye Hain Hum

Kyun Besabab Hain Mere Lab
Kyun Barh Rahe Mere Gham

Ye Jo Hai Andhera Hai Qasoor Mera
Is Beerh Mein Bhi Tanha Hain Hum Khare

Ab Rone Se
Mere Hone Se
Kuch Hona Hai To Hona Hai Bura

Titli Drama Full Ost Lyrics Memorable Lyrics

Subscribe to: Posts (Atom)